[nopath::global_mapping:ffi:english] [nopath::javascript_brand:ffi:english] [nopath::detect_flash:ffi:english] [nopath::fruit2_css:ffi:english] [nopath::info_icon_xslt_beta_new:ffi:english] [nopath::lvs_navbar:ffi:english]
Close Please enter your Username and Password
Blogs > KING19642 > Light, > Pariyon Ki Kahani

Pariyon Ki Kahani  

KING19642

1/9/2007 10:14 am

Last Read:
12/13/2007 7:32 pm

Ek larki chand ki paalki pe sawaar
Kisi rajkumar ki raah dekha karti thi
Aankhon mein sitaron say roshan sapnay liye
Har raat dil ki saij mehkaya karti thi
Uska sajan kis roop mein usko sweekar karey
Dair talak apna roop sanwara karti thi
Husn ka nageena woh badan ka khazina
Har kisi ki nazar say bachaya karti thi
Jo iss pyar ki nadi main doobay us hi ka ho ga
Wajood ka moti seep main chipaya karti thi
Khwaab toota sitarey bikhrey
Chand ki paalki laut gayee................
Pariyon ki kahani sach hoti hai kaheen,
Socha karti thi.....
Shayad koi ab bhi uska intazar karta ho kaheen
Sahil pe ghanton akeli baithi socha karti thi
Zindagi mein jaanay kya pyaas reh gayi thi
Harr roz apnay aansuon mein dooba karti thi
Kaash koi uskay dil mein sulagti aag bujha jaaye
Bheegi ankhein pyaasi rooh liye socha karti thi
Kal uss larki ko dekha woh ab aksar chup chaap
Apnay sulagtey khwabon ki raakh sameta karti thi
Waqt guzar chuka .....
In aankhon ko koi naya khwaab na dey
Apney dil ko aksar pyar sey samjhaya karti thi
Par dil tau deewana hai pagal hai kay abb bhi
Veeran raaton mein aik pyaas jaaga kartee thi
Shayad kay sulagta badan ye pyasi rooh sairaab ho
Barasti boondon mein abb bhi bhatka karti thi
Phir yun hua pariyon ki kahani sach hui
Magar teher aye dil abb bohat dair hui .....
................................ ........................
............ bohat dair hui........
SIMREN
784 posts 

1/9/2007 2:29 pm

lol nice,,, but does these kahaniz exist these days!!!!!

Simren
(she fell in love wid him da day she betrayed him)

Become a member to comment on this blog